標書寫好未交？投標最容易輸嘅，唔係價錢，係呢 7 個評標風險位。逐項對照你手上有份標書（或者準備緊嗰份），勾選你「唔肯定」或「有機會出問題」嘅項目。
共 7 項 · 勾得愈多，風險愈高（只記錄喺你自己部機，唔會上傳）
有冇漏答 Mandatory Requirements（必須回應項）？
漏答一條必須項唔係扣分，係直接出局——呢個係資格問題，唔係評分問題。
技術方案有冇逐項對應評分標準嚟寫？
評委手上一份評分表打分，你份方案要跟住評分表嘅順序同字眼行，自講自話等於送分俾對手。
公司經驗有冇寫成評審一眼睇得明嘅證據？
評委唔會幫你推理。經驗要寫成「項目名＋合約金額＋擔當角色＋完成結果」四件套，唔係一堆形容詞。
人員履歷符合招標文件嘅資格要求？
牌照、年資、學歷唔夠嘅崗位，嗰部分係零分，仲可能連累整份標書被質疑。
有冇遺漏 Supporting Documents（佐證文件）？
招標文件入面問你攞嘅每份證明都係評分入場券，唔齊嘅 section 隨時唔計分。
文件格式符合提交要求（份數、簽署、釘裝／上傳規格）？
格式唔合規可能被取消資格，連評都唔評——呢啲失手最冤枉。
有冇喺截止時間前預留足夠 e-TS 上傳時間？
截標前兩個鐘係上傳高峰，網絡慢、檔案大、驗證碼出錯都試過搞到人入唔到線。遲一分鐘都唔收。
仲未開始勾。對照你份標書，逐項問自己「真係肯定？」
TenderHK · 香港專業標書製作及投標顧問 ｜ 返回 tender.hk 本檢查僅屬初步自查，實際評分以招標文件嘅評審準則為準。